လက်တန်းကဗျာ

ဒါဟာ လက်တန်းကဗျာပေါ့ ။ fb ပေါ်က ကဗျာဆရာတချို့ လက်တန်းကဗျာ ရေးတာကို အားကျပြီး ရေးထားသလို ဒါဟာ လက်တန်းကဗျာ။ လက်ကို ဆန့်တန်းပြီး ရေးထားသလို လက်တန်းကဗျာ။ လက်တန်းကဗျာဖြစ်တဲ့ အတွက် ကဗျာဟာ စည်းမရှိ ကမ်းမရှိ သူတစ်ပါးပိုင်နက်ထဲကိုလည်း ဝင်ရောက်ချင် ဝင်ရောက်နိုင်ပါတယ်။ သူတစ်ပါး ရှာဖွေထားတဲ့ စကားလုံးတွေကိုလည်း သုံးစွဲမိ သုံးစွဲနိုင်ပါတယ်။ ခွင့်လွှတ်ပေးကြပါ။ ဒါဟာ လက်တန်းရေးထားတဲ့ ကဗျာမို့ပါ။ ကဗျာမှာ အပြစ်မရှိပါဘူး။ အနှစ်နှစ် အလလက ကိုင်ထားတဲ့ ပေတံဟောင်းတွေကို ဂရုမစိုက်မိပါဘူး။ အဲဒီအတွက် ဘယ်သူ့မှာ အပြစ်ရှိသလဲ ဆိုတာလည်း မတွေးမိပါဘူး။ လက်တန်းရေးလိုက်ရတဲ့အတွက် ဘာကိုမှ စဉ်းစားချင့်ချိန်နေဖို့ အချိန်မရှိပါဘူး။ ဒါဟာ လက်တန်းကဗျာပါ။ နိုင်ငံရေးအကြောင်းကြားရင်လည်း နိုင်ငံရေးအကြောင်းတွေကဗျာထဲ ပါလာပါလိမ့်မယ်။ ဘယ်သူ့ကို မကျေနပ်ရင်လည်း ဘယ်သူ့ကို မကျေနပ်တဲ့အကြောင်းတွေ ထည့်မိပါလိမ့်မယ်။ မှန်တာတွေ မှားတာတွေ ခွဲခြမ်းစိတ်ဖြာမနေပဲ ရေးချင်သလို ရေးပစ်လိုက်တဲ့ လက်တန်းကဗျာပါ။ လက်တန်း ချရေးထားတဲ့အတွက် ကဗျာဓါတ်တွေမပါဘူး၊ ဒါဟာကဗျာမဟုတ်ဘူး လို့ ပြောရင် ပြောလို့ရနိုင်တဲ့ လက်တန်းကဗျာပါ။ Like များများလိုချင်လို့၊ Comment များများရချင်လို့ အချိန်မီအောင်ရေးသားပြီး အားလုံးကို Tag လိုက်တဲ့ လက်တန်းကဗျာပါ။


မိုးဇက်(သခွတ္တနယ်)

07:04 Pm, Malaysia
02032014

အချိန်ဟာ တရိရိတိုက်စားသွား ၊ အချိန်တွေဟာ ငါ့ကို တတိတိကိုက်ဝါးသွား

တစ်နှစ်ပြီး တစ်နှစ်။ ငါဟာ တဖြည်းဖြည်းသစ်လာတယ်။ အိုမင်း၊ ဟောင်းနွမ်း၊ ဆွေးမြေ့ ငါဟာ။ တစ်နှစ်ပြီး တစ်နှစ်။ ဖြေစရာ ရှာမတွေ့ဘူး၊ ဖျောက်စရာတွေပဲ များများလာတယ်။ တစ်နှစ်ပြီး တစ်နှစ်။ အတိတ်စာမျက်နှာတွေကို တဖျတ်ဖျတ် လှန်ဖတ်လိုက်တော့ ငါ တော်တော်ညံ့ခဲ့တယ် ဆိုတာတွေ။ တစ်နှစ်ပြီး တစ်နှစ်။ မိမိကိုယ်မိမိ တွန်းတင်၊ ကန်ချ၊ ဖြေသိမ့်၊ ပေါက်ကွဲ။ ကြည်နူး ၊ လွမ်းဆွတ်၊ ဆွေးမြေ့ ၊ နာကျင်။ တစ်နှစ်ပြီး တစ်နှစ်။ စိတ်ကူးတွေဟာ စိတ်ကူးအတိုင်းပဲ၊ အိပ်မက်တွေဟာ အိပ်မက်အတိုင်းပဲ အကောင်အထည်မရှိခဲ့၊ လက်ဆုပ်လက်ကိုင် မရခဲ့။ တစ်နှစ်ပြီး တစ်နှစ်။ မြုံနေတာကို ဓါးနဲ့ ခွဲထုတ်လိုက်၊ ဒဏ်ရာကို သက်သာရုံလေးကုသလိုက်၊ ပြီး၊ ပြန်ဆွလိုက်။ တစ်နှစ်ပြီး တစ်နှစ်။ လိုအပ်တာတွေ များပြီး မလိုအပ်တာတွေ ပိုများလာတယ်။ တစ်နှစ်ပြီး တစ်နှစ်။ တစ်ကိုယ်တော် ထမင်းဝိုင်းများ ၊ တစ်ကိုယ်တည်း စားသုံးခဲ့ရသော ဒုက္ခပွဲတော်များ။ တစ်နှစ်ပြီး တစ်နှစ်။ အမြစ်တွယ် ယုံကြည်နေမိတာက အနုပညာနဲ့ ဘာသာတရားကလွဲရင် ဘာကိုမှ မယုံကြည်ဘူးတရား။ တစ်နှစ်ပြီး တစ်နှစ်။ ဘာမှ မထူးဘူး။ ဘာမှ မထူးခြားဘူး။ ထူးခြားတာ ဘာမှ မရှိဘူး။ မျှော်ပြီး မောခဲ့ရသော နေ့များ ၊ ညများ။ တစ်နှစ်ပြီး တစ်နှစ်။ ဒုက္ခတွေ ၊ ဒုက္ခတွေ ၊ ဒုက္ခတွေ ကဗျာလိုရွတ်ခဲ့ရ။ ကဗျာတွေ ၊ ကဗျာတွေ ၊ ကဗျာတွေ၊ ဒုက္ခလို မွန်းခဲ့ရ။ တစ်နှစ်ပြီး တစ်နှစ်။ ကဗျာတွေ တဖြည်းဖြည်း ညံ့လာတယ်။ ကဗျာဆရာဟာ တဖြည်းဖြည်း ညံ့လာတယ်။ အညံ့တွေဟာ ကိုယ်နဲ့မှ Fit Size ဖြစ်လာတယ်။ တစ်နှစ်ပြီး တစ်နှစ်။ ကိုယ်ရှာဖွေခဲ့တဲ့ မိတ်ကောင်းဆွေကောင်းတွေဟာ ကိုယ့်အသုဘစည်ကားဖို့အတွက်ဆိုတာ ပိုပြီး သေချာလာတယ်။ တစ်နှစ်ပြီး တစ်နှစ်။တစ်နှစ်ပြီး တစ်နှစ်။တစ်နှစ်ပြီး တစ်နှစ်။ နှစ်တွေဟာ မကုန်နိုင် မဆုံးနိုင်တော့ဘူး။ နှစ်တွေဟာ မပြီးနိုင် မစီးနိုင်တော့ဘူး။ တစ်နှစ်ပြီး တစ်နှစ်။ တစ်လပြီး တစ်လ၊ တစ်ရက်ပြီး တစ်ရက်၊ တစ်စက္ကန့်ပြီး တစ်စက္ကန့်။ အချိန်ဟာ တရိရိတိုက်စားသွား၊ အချိန်တွေဟာ ငါ့ကို တတိတိကိုက်ဝါးသွား။ တစ်နှစ်ပြီး တစ်နှစ်။


မိုးဇက်(သခွတ္တနယ်)

Feb 13, 2014
 

ဘာဖြစ်လဲ ငါ မင်းကို ချစ်တယ်

မင်းကို ချစ်မိသွားလို့ ငါ ချစ်တယ်
ဘာဖြစ်လဲ
မင်းမျက်နှာလေးက ချစ်စရာကောင်းလို့
အသည်းပုံနားဆွဲလေးနဲ့ လိုက်ဖက်လို့
ကြင်နာ သနားတတ်သူလေးမို့
မိန်းမဖြစ်ကြောင်းသေချာလို့ ငါ ချစ်တယ်
ဘာဖြစ်လဲ
မင်းဟာ
ပျိုရွယ်တဲ့မိန်းကလေးမို့ ငါ ချစ်တယ်
အေးတိအေးစက်နေတတ်လို့ ငါ ချစ်တယ်
ရှက်တတ်ကြောက်တတ်လို့ ငါ ချစ်တယ်
မင်းနှုတ်ခမ်းတွန့်ကွေးလေးကို ငါ ချစ်တယ်
မင်း စကားပြောနည်းတာကို ငါ ချစ်တယ်
မင်း အမြဲတမ်းပြုံးနေတတ်တာကို ငါ ချစ်တယ်
မင်း ဘာပဲဖြစ်ဖြစ် ငါ ချစ်တယ်
ဘာဖြစ်လဲ
မင်းဟာ
(တစ်ချိန်ကလို) ဆံတိုမလေး
ဟုတ်ဟုတ် မဟုတ်ဟုတ် ငါ ချစ်တယ်
မင်းဟာ
ဝက်ခြံပိုင်ရှင်မလေး
ဖြစ်ဖြစ် မဖြစ်ဖြစ် ငါ ချစ်တယ်
မင်းဟာ
တစ်ပါးသူအတွက်
အရုပ်ဆိုးဆိုး မဆိုးဆိုး ငါ ချစ်တယ်
မင်းက ငါ့ကို ချစ်ချစ် မချစ်ချစ်
မင်းက ငါ့အချစ်ကို အသိအမှတ်ပြုပြု မပြုပြု
မင်းမှာ ရည်ရွယ်ထားသူ ရှိရှိ မရှိရှိ ငါ ချစ်တယ်
ဘာဖြစ်လဲ
မင်းကို ချစ်မိသွားလို့ ငါ ချစ်တယ် ။ ။

မိုးဇက်(သခွတ္တနယ်)

လမ်းသစ်

သူဟာ ...
 ဒီကျွန်းပေါ်မှာဖွားတဲ့ ပထမဆုံးမြန်မာပြည်သားဖြစ်တယ်။
 ကမ္ဘာ့ရေးရာနဲ့ မြန်မာ့ယဉ်ကျေးမှုကို ဖြန့်ဝေတယ်။

သူဟာ ...
 ပန်းပေါင်းများစွာပွင့်စေတဲ့ ဖန်ဆင်းရှင်ဥယျာဉ်မှူး ဖြစ်တယ်။
 ရာသီအလိုက်ဓာတ်စာနဲ့ နှစ်ချို့သစ်သီးကို စားသုံးတယ်။

သူဟာ ...
 ရင်ဘတ်ချင်းတူသူတို့ရဲ့ ရင်ငွေ့ခိုလှုံရာ တီးတိုးဖော်ဖြစ်တယ်။
 ကြေကွဲသမျှနဲ့ စိတ်ဒဏ်ရာကို ကုစားပေးတယ်။

သူဟာ ...
 တောခြောက်ခံရသူတို့ရဲ့ အားကိုးရာလမ်းပြမြေပုံဖြစ်တယ်။
 စာပေအစွမ်းနဲ့ လောကလမ်းကို ညွှန်ပြတယ်။

သူဟာ ...
 တာဝန်ကျေတဲ့ လောကကိုအလှဆင်သူဖြစ်တယ်။
 January 2011 မှာ အသက် (၄) နှစ်ပြည့်တယ်။

ဒါပေမယ့်သူဟာ ...
 အင်မတန် ကျလွယ် ကွဲလွယ်တဲ့ အနုပညာဖန်ခွက်တစ်လုံးဖြစ်တယ်။
 ခြေချော်လက်ချော်မဖြစ်အောင် ဂရုတစိုက်ကိုင်တွယ်ပါမှ
 ကြာရှည်အသုံးခံမယ်။      ။

မိုးဇက်(သခွတ္တနယ်)

December 11,2010

(၅)နှစ်မြောက် လမ်းသစ်ဂျာနယ် အား ဂုဏ်ပြုရေးဖွဲ့ပါသည်။

သမိုင်းတစ်ဆစ်ချိုးတဲ့နေ့

ဇူလိုင် ၁၉ ၊ ၁၉၄၇ ခုနှစ်
သမိုင်းတစ်ဆစ်ချိုးတဲ့နေ့ ...

ငါ့ အဘိုးတွေ
ဒါမှမဟုတ် ငါ့ အဘေးတွေ
အဲဒီနေ့မှာပဲ သွေးမြေခခဲ့
အဲဒီနေ့မှာပဲ အသက်ဇီဝိန်ကြွေခဲ့ကြတယ်
ဘယ်သူ မေ့နိုင်ဦးမှာလဲ ...

ပြည်သူတွေ
ကိုယ့်ပြည် ၊ ကိုယ့်ရွာ ၊ ကိုယ့်ခေါင်းဆောင်ကို ချစ်တဲ့
ပြည်သူတွေ
မျက်ရည်မဆည်နိုင်အောင် ငိုကြတယ်
ခုထိ ရှိုက်လို့ ငင်လို့ မဆုံးသေး ...

တွေးလိုက်တိုင်း
ငါ့ နှလုံးသွေးတွေ ဆူပွက်တယ်
ငါ့ လက်သီးကို ကျစ်ကျစ်ပါအောင်ဆုပ်မိတယ်။

အသားထဲက လောက်ထွက်
အာဏာရူးမိစ္ဆာတစ်ကောင်ရဲ့ ကောက်ကျစ်မှုကြောင့်
တိုင်းပြည်ဟာ ပြိုကွဲ
ဘဝတွေက ဖရိုဖရဲ ...

ဒါပေမယ့်
မင်းတို့ ဆွဲနှုတ်သွားတဲ့ ငါ့အဘိုးရဲ့ ဝိညာဉ်
ဘယ်တော့မှ သေဆုံးမှာမဟုတ်ဘူး
ဇူလိုင်မိုးရေနဲ့ ဘယ်လိုဆေးကြော ဆေးကြော
ငါ့ အဘိုးရဲ့သွေးဟာ
ထာဝရရဲပြီး စီးဆင်းနေဦးမယ်ဆိုတာ
ယုံတယ်။    ။

မိုးဇက်(သခွတ္တနယ်)

June 9,2011

*အတွဲ - ၅ ၊ အမှတ် - ၁၃ ၊ ဇူလိုင် ၊ ၂၀၁၁ ၊ လမ်းသစ်ဂျာနယ် ၊ မလေးရှား ။

တစ်ကိုယ်တော် အခင်းအကျင်း(၃)

" ငါဟာ အထားအသိုမတတ်တဲ့ကောင်
ငါ့ကိုယ်ငါ အထားအသိုမတတ်တဲ့ကောင် "
အထားမှားသလား လို့ ခဏခဏ လိုက်ရှာတယ်
ပျော်ရွှင်မှုက ရှိကိုမရှိတော့တာ
ဘာကြောင့်လဲ။ စဉ်းစားလို့ မရဘူး။ စဉ်းစားတယ်။
ဘာကြောင့်မှန်း မသိဘူး။
လူ့အဖြစ်ကိုရရှိခြင်းဟာ
ထောင်ချောက်တစ်ခုထဲကို ရောက်ရှိနေခြင်းလော ...
အရင်တုန်းက တခါတခါ တွေးတယ်
ခု မကြာမကြာ တွေးတယ်
ခု အခြေအနေဟာ ပဲ့ကျနိုင်တဲ့ အနေအထား
လေညင်းနဲ့ ပစ်ပေါက်ရင်တောင် လဲသွားနိုင်တဲ့ အခြေအနေ
အတိတ်၊ ပစ္စုပ္ပန် ၊ အနာဂတ်
ကာလသုံးပါးဟာ ဆက်စပ်မနေဘူးလိုလို၊ ဆက်စပ်နေတယ်လိုလို
ကျွန်တော့ရင်တွေဟာလည်း ဆက်စပ်နေသလိုလို
အဆက်အစပ် မရှိဘူး လိုလို
ရင် ကွဲ တယ်
ကွဲပြီးသားရင်ဟာ
ဘယ်တော့မှ ပြန်ဆက်လာမှာ မဟုတ်တော့ဘူး
သံယောဇဉ်ဆူးတစ်ချောင်းရဲ့ အဆိပ်က
အိပ်မက်ထဲထိ တငွေ့ငွေ့
ကျွန်တော်က အစိမ်းရောင်အထပ်ထပ် လိမ်းထားတဲ့အဖြူ
အစိမ်းရောင်တွေ ဖြန်းကနဲ အပက်ခံထားရတဲ့ ဆွတ်ဆွတ်ဖြူ
ရင် ကွဲ တယ်
ခင်ဗျား မြင်ယောင်နေတဲ့ ရင်ကွဲတယ် ဆိုတာ
ရင်ဘတ်တစ်ခြမ်းနဲ့ တခြားရင်ဘတ်တစ်ခြမ်း
ဟင်းလင်းပွင့် ကွဲကွာနေတာမျိုးလား
ပြောချင်တာက ရင်ကွဲတယ် ဒါပါပဲ
ကျွန်တော် ရင်ကွဲတယ်။ ကျွန်တော် ရင်ကွဲနေတယ်၊ ကျွန်တော့ရင်တွေ ကွဲနေတယ်
အိမ်။ မိသားစု။ ကောင်မလေး။ ကဗျာ။ ကိုယ်ရေးကိုယ်တာ။
ဖြစ်ခွင့်ရှိရင် ဖျစ်ဖျစ်မြည်အောင် ဆုပ်ထားချင်တာပေါ့
ချစ်ခွင့်ရှိရင် လူသိနတ်ကြား ချစ်လိုက်ချင်တာပေါ့
ခေတ်က တကိုယ်တော် နဲ့ မရတော့ ကိုယ်ခွဲတွေ အများကြီးထားရ
ဒါ ကဗျာပေါ့
မီးတောက်တယ်
ဘဝမှာ ....
(ဘဝ လို့ပဲ ကြီးကြီးကျယ်ကျယ် အော်လိုက်မယ်)
ဘဝမှာ နိမ့်ပါးတဲ့ အချိန်ဆိုတာရှိတယ်
ဘဝမှာ ဆိုးရွားတဲ့ အချိန်ဆိုတာရှိတယ်
ဘဝမှာ ဘာကိုမှလှမ်းဆွဲလို့ မမီနိုင်လောက်အောင် ဆိုးဆိုးဝါးဝါး
နိမ့်ကျဝပ်တွားနေရတဲ့ အချိန်ဆိုတာ ရှိတယ်
မိုးကတော့ ရွာတယ်၊ မိုးကောင်းလို့ မဟုတ်
မိုးကတော့ ရွာပါတယ်
ကံဆိုးမ သွားရာ မိုး လိုက်လို့ ရွာ တဲ့ ပုံပြင်ထဲက မိုး
ကျွန်တော် ဘယ်ပုံကိုမှ မပြင်ချင်ပါ၊ ဘယ်ပုံကိုမှလည်း မပြောချင်တော့ပါ
ကြာတော့ ကြာခဲ့ပါပြီ
အ,ကနေ စ,အထိ ရောက်ရှိနေပါပြီ
နာမည်တစ်လုံးအတွက် ပြုစရာ ပြင်စရာတို့ကို ပြုနေ ပြင်နေမိပါပြီ ။ ။

မိုးဇက်(သခွတ္တနယ်)

* လိုအပ်သလို ပြုပြင်ဖာထေးပြီး စပ် ဟပ် ချုပ်လုပ်ရပါအုံးမည်။

မာယာ

ခိုးဝှက် ၊ လုယက် ယူငင်မရသော
ငွေကြေးဥစ္စာဖြင့် ဝယ်ယူမရသော
ပေးဆပ်ခြင်း ၊ ရယူခြင်းမရှိသော ...

အနီးအဝေး ၊ အနိမ့်အမြင့် ၊ အဆင့်အတန်းမရှိသော
မပြောဘဲနှင့် ကြားနိုင်သော ...

စိတ်ကို စိတ်နှင့် ချည်နှောင်ပြီးမှ
နှလုံးသားကို
နှလုံးသားဖြင့် ဖမ်းယူပြီးမှ ရရှိနိုင်သော ...

ကမ္ဘာဦးကတည်းက ပေါက်ဖွားခဲ့သော
"အချစ်" ဟု
ယနေ့တိုင် သက်ဆိုးရှည်လျှက်ရှိသော ...

ထိုပုရွက်ဆိတ်ကလေးသည်
လူတို့၏ နားထဲသို့ ဝင်ရောက်လာသောအခါ
ရထားတစ်စင်း ဖြစ်သွားလေတော့သည်။ ။

မိုးဇက်(သခွတ္တနယ်)