ရနံ့ သက်သက်သစ်သီး (၆)

အရင်ကလို မဟုတ်တော့တဲ့ လမ်းတွေ တံတားတွေပေါ်
ဖြတ်မိတဲ့အခိုက်
သူတောင်းစားဟာ အေးအေးလူလူ ငိုက်မြည်းလို့
ငါက ပူပူလောင်လောင် ပြေးလွှားလို့

ရထားဟာ ခေါင်းပေါ်က ဖြတ်ပျံသွား
(မော့ကြည့်မိ)

အချုပ်ကားတွေသာ မရှိရင်
မြင်ကွင်းဟာ သိပ်အသက်ဝင်မှာပဲလို့
တစ်ယောက်တည်း ဘောင်ခတ်ကြည့်မိ

သတိရစရာရှိတဲ့ အရာတချို့ကို သတိရတယ်
သတိရစရာရှိတဲ့ လူတချို့ကို သတိရတယ်
တချို့ကိုတော့ တမင်တကာကို မေ့ပစ်ထားလိုက်ရ

မြို့ထဲမှာ
Sex ဆန်ရေး အဓိကရယ်
ဆက်ဆံရေး အဓိကရယ်
ဆိုင် နှစ်မျိုးနှစ်စား ရှိတယ်

မြို့ထဲမှာ
မြို့သံနီးနီးပေါက်နေတဲ့
တောသားမြို့ရောက်တွေရှိတယ်။

မြို့ထဲမှာ
မချစ်မနှစ်သက်သူတို့နဲ့ ပေါင်းသင်းရသူတွေ
ချစ်ခင်နှစ်သက်သူတို့နဲ့ ကွာဝေးရသူတွေ ရှိတယ်။

မြန်မာ့အထင်ကရ ပုဂ္ဂိုလ် တစ်ဦးနာမည်နဲ့
လမ်းအမည် သတ်သတ်မှတ်မှတ် ရှိတဲ့မြို့ကြီး

မြန်မာတန်း လို့
မြန်မာအသိုင်းအဝိုင်းက ခေါ်တွင်ပညတ်ထားတဲ့အထိ
မြန်မာနိုင်ငံသားတွေ ယစ်မူး ရင်ခုန် ကျက်စား ပျက်စီးရာ
ရပ်ဝန်းတစ်ခုလည်း ရှိတဲ့မြို့ကြီး

Sex လမ်းညွှန်ဆိုင်းဘုတ်ဟာ
မြန်မာဘာသာစကားကို အသုံးပြုရတဲ့အထိ ခေတ်မီတိုးတက်လာတဲ့
မြို့ကြီးပေါ့

မိုးဇက်(သခွတ္တနယ်)
01112014

** မလေးရှားနိုင်ငံ၊ ကွာလာလမ်ပူမြို့ရှိ - မောသျှမ်း မြန်မာစားသောက်ဆိုင် - တွင် ဝင်ရောက်စားသောက်ရင်း အမှတ်တရ ရေးဖွဲ့ ။ **

ေ ဒါ်ေ အာ င် ဆ န်း စု ကြ ည်

ဒီအမေလောက် 
လူချစ် လူခင်ပေါပြီး
လူမုန်းများ အဆဲခံရတာ မရှိဘူး။ ။

မိုးဇက် (သခွတ္တနယ်)
12:34AM
12072014

ဒီနေ့ဟာ မွေးနေ့ဖြစ်တယ်

လန့်‌နိုး‌တော့ စားထားတဲ့ နာရီအပုံကြီးကို ‌တွေ့လိုက်‌ရတယ်‌
Screen ‌ပေါ်က တဖျပ်‌ဖျပ်‌အလင်းမှာ
( ငါ့ )
‌ရောက်‌ရှိဆဲ အသက်‌
မှားခဲ့‌သော ‌ကောင်းမှုကုသိုလ်‌တရား
မှန်‌ခဲ့‌သော အကုသိုလ်‌များ
ပြဿနာက
ဘယ်‌က စရမယ်‌ မသိဘူးကစပြီး
ဘယ်‌မှာ အဆုံးသတ်‌ရမယ်‌မသိဘူးမှာ ဆုံးသွားတယ်‌
ရ သမျှ ထားခဲ့ရမှာကို မသိ‌သော
ခုတ်‌‌မောင်းမှုမျိုးနဲ့
ရထား။ ။

* လှိုင်‌ရဲ‌အောင်‌(ပြည်‌) ‌မွေး‌နေ့အတွက်‌ *

မိုးဇက်(သခွတ္တနယ်‌)

သိုက် ဝေး ငှက်

• ၁ •

အတောင်စုံလို့ ပြေးထွက်လာတဲ့ ငှက်တစ်ကောင်တော့ ဘယ်ဟုတ်မလဲ
လိုအပ်လို့
မလိုအပ်တာတွေကို ဖဲ့ ချွေ ခါ ချရင်း
ချစ်ခဲ့သမျှတွေထဲမှာ
ကိုယ့်ကိုယ်ကို အချစ်ဆုံးဆိုတာလည်း မှားယွင်းခဲ့

• ၂ •

အခြေအနေအရပေါ့ကွာ
ကိုယ်ဟာ နိုင်ငံခြား တိုင်းပြည်တစ်ခုမှာ
ခုတ်မောင်းလည်ပတ်နေရတဲ့ စက်ရုပ်တစ်ကောင်ဖြစ်တယ်

အခြေအနေအရပေါ့ကွာ
ချစ်တဲ့ ညီ အစ်ကို မောင် နှမတွေကိုခွဲ
မိသားစုကို ထားခဲ့ရတယ်။

်အခြေအနေအရပေါ့ကွာ
အခြေမဲ့ အနေမဲ့ မျှော်လင့်ချက်တွေကို
ခြစ်ကုပ်သုံးစွဲနေရတယ်။

အခြေအနေအရပေါ့ကွာ
ချေရမယ့် ဝဋ်ကြွေးတွေကို ကျေအောင် ဆပ်နေရတယ်။

်အခြေအနေအရပေါ့ကွာ
ကိုယ်ငတ်မွတ်နေတဲ့ မေတ္တာတရားတွေ
ကိုယ့်ဆီမှာ ပြည့်လျှံနေသလို ဟန်ဆောင်ထားရတယ်။

အခြေအနေအရပေါ့ကွာ
ဒီတစ်နှစ်ကုန် ပြန်မယ်ပြောပြီး
နောက်တစ်နှစ်ကုန်လည်း ဒီစကားပဲ နောက်တစ်ခေါက်ထပ်ပြောရတယ်။

အခြေအနေအရပေါ့ကွာ
ကံကိုလည်း ယုံခဲ့တယ်
ဆူးပုံလည်း နင်းခဲ့တယ်။

• ၃ •

လူ့ဘဝဆိုတာ ခဏလေးလို့ ဘုရားရှင်က ဟောတော်မူတယ်
မကြာပါဘူးကွာ
အိမ်ပြန်ချိန် တွေက ရောက်လာတော့မှာ။ ။

®အဝေးရောက် ကဗျာဆရာမ လွမ်းဝေ အတွက် မွေးနေ့လက်ဆောင်®

မိုးဇက်‌(သခွတ္တနယ်)

11:45 pm
4th April 2014
Malaysia

သုံးယောက်တစ်ခက်

|| သုံးယောက်တစ်ခက် - ၁ ||

သစ္စာ ရှိကြမယ်လို့ သစ္စာ ဆိုပြီး
ငါတို့ ပွင့်ခဲ့ကြတာမှ မဟုတ်ပဲ ပိတောက်

တစ်ယောက်ရင်ကို တစ်ယောက်
အတာရေနဲ့ တံတားဆောက်ချင်တယ်

တစ်နှစ်လုံးစိမ်းခဲ့သမျှ တစ်ကြိမ်တော့ ဝါခွင့်ပြုပါ။ ။


လှိုင်ရဲအောင်(ပြည်)
မိုးတိမ်
မိုဇက်(သခွတ္တနယ်)


-------------------------------------------



|| သုံးယောက်တစ်ခက် - ၂ ||



အဝေးရောက် သက္ကရာဇ်တွေမှာ
မင်းရဲ့ကိုယ်သင်းနံ့ကလေးကိုတောင် ဖမ်းမမိဘူး

လွမ်းတယ် ကွယ်
ဟောဒီ ...
နွေ ရင်ခွင်ကြီးမှာ မင်းမို့ လို့ သစ္စာ ရှိရှိပွင့်ရဲတာပေါ့

ပိတောက်က ညှို့လိုက်တာနဲ့
စိတ်ဟာ တစ်ပင်လုံးညွှတ်တော့တာပဲ။ ။

လှိုင်ရဲအောင်(ပြည်)
ကျော်မိုးလုံးဟိန်း
မိုးဇက်(သခွတ္တနယ်)



---------------------------------------------------


|| သုံးယောက်တစ်ခက် - ၃ ||


ရေတစ်ခွက်နဲ့ပဲ
နွေနှစ်သစ်ကို စတင်လိုက်တယ်။

သစ္စာပွင့်တွေက အဝါရောင်လို့ ပြောရင်
ဥသြငှက်က လှောင်ရယ်မလား....

ဒိုင်ယာရီထဲကပိတောက်ခက်ကလေး
နွမ်းခြောက်နေ
ရင်ထဲမှာတော့ယခုတိုင်လတ်ဆတ်တုန်း။ ။

လှိုင်ရဲအောင်(ပြည်)
လွမ်းဝေ
မိုးဇက်(သခွတ္တနယ်)


** အများကြီးရေးချင်ပေမယ့် (၃ ) ပုဒ်ပဲ ရလိုက်ပါတယ်။
တချို့စာလုံးလေးတွေ ပြင်မိတဲ့အတွက် စိတ်ဆိုးပြီး ဆက်မရေး/မပေးကြတာပဲ ဖြစ်မယ် ထင်ပါတယ်။
ပုဒ်ရေ (၂၀) ကျော်လောက်ရရင် အမှတ်တရ Ebook လုပ်ဖို့စိတ်ကူးယဉ်ထားပေမယ့်
အမှတ်တရ Note အနေနဲ့ပဲ ကျေနပ်လိုက်ရပါတယ်။**



မိုးဇက်(သခွတ္တနယ်)

အဲ့ဒီစကားတစ်ခွန်းကို ကြားပြီးသည့်နောက်

ငါ့နားတွေကန်းသွားတယ်(ထင်လိုက်မိတယ်)၊ ငါ့မျက်စိတွေရောပဲ
ဆိုးတာက အသိစိတ်တစ်ခုလုံး သေသွားတာ၊ အ´သွားတာ
အရာရာဟာ ငါနဲ့ မသက်ဆိုင်တော့တဲ့ သက်ရှိ သက်မဲ့တွေလို
သိမ်ငယ်သွားလိုက်ပုံက ငါ့ကိုယ်ငါ ရှာမတွေ့တော့တဲ့အထိ
အဲ့ဒီစကားတစ်ခွန်းကို ကြားပြီးသည့်နောက်

အတ္တက ဖြားယောင်းလွန်း သွေးဆောင်လွန်းလို့ ဖြစ်ရတာပါဆိုပြီး
အတ္တက အတ္တကို ချေပ ခုခံ ကာကွယ်
အဲ့ဒီစကားတစ်ခွန်းကို ကြားပြီးသည့်နောက်

အလင်းတစ်စထင်ပြီး ညှိကူးဖို့ ကြိုးစားအားထုတ်မိတယ်က စရမှာပဲ
သွေးချင်းတူတယ်ထင်ပြီး အိပ်မက်ချင်းအလဲအလှယ်လုပ်ဖို့
အရူးထမိတယ်က ပြောရမှာပဲ
သစ္စာတရားကို တိုးတိုးလေး အဓိပ္ပါယ် ဖွင့်နေမိ

အဲ့ဒီစကားတစ်ခွန်းကို မကြားမိသေးခင်
ငါဟာ ရယ်မော အေးမြနေခဲ့ကြောင်း ဖျတ်ကနဲမြင်လိုက်ရတယ်

အဲဒီစကားတစ်ခွန်းဟာ ငါ့အသက်ရှည်သလောက်အထိ
ငါ့ကို ဝါးမြိုတော့မယ့် ကင်ဆာဆဲလ်တွေဆိုတာကိုလည်း သိလိုက်ရသေးတယ်
အဲ့ဒီစကားတစ်ခွန်းကို ကြားပြီးသည့်နောက်

မိုးဇက်(သခွတ္တနယ်)

ရည်းစား

ချစ်လို့ တဲ့
အရိပ်တကြည့်ကြည့်
စိုးရိမ်စွာ

ချစ်လို့တဲ့
စိုးရိမ်စွာ
အရိပ်တကြည့်ကြည့်
နွားတစ်ကောင်လို/ကို ကျောင်းနေခဲ့ပေါ့ ။

တကယ်တော့
ဘာမှ မဟုတ်ဘူး ဆိုတာ ဟုတ်တယ်
တကယ်တော့
ဘာမှ မဟုတ်ဘူး ဆိုတာ မဟုတ်ဘူး။ ။


မိုးဇက်(သခွတ္တနယ်)

ခွေး (များ)

ခွေး ( ၁)


ခွေးဟာ ဘာအတွက်ဟောင်တာလဲ မသိဘူး စူးစမ်းမိရင်း ကဗျာမရေးဖြစ်တာပါ
ခွေးဟာ မကြာမကြာ ထဟောင်လိုက်
ကျွန်တော်က ယောင်ယောင်ပြီး ထကြည့်လိုက်
ခွေးဟာ ကဗျာကို ထဟောင်လိုက် လူကို မာန်ဖီတဲ့အခါဖီလိုက်
ခွေးပဲကွာ
ဟောင်မှာပေါ့ ၊ ကိုက်ရင်လည်း ကိုက်မှာပေါ့
( ဒီခွေးက စနစ်တကျ လေ့ကျင့်သင်ကြားထားတဲ့ ခွေးဆိုပဲ)
ကျွန်တော် လူလိုတွေးတယ်၊ လူလို နားလည်လိုက်တယ်
ခွေးကတော့ ဟောင်နေတုန်းပဲ
ကျွန်တော် ထ မကြည့်ဖြစ်တော့ဘူး
ခွေးက အခုကို ထိုးပြီး ဟောင်နေတယ်
ကျွန်တော်က ကဗျာကိုတစ်လုံးချင်းစီလို့
ခွေးပဲကွာ
ဟောင်မှာပေါ့
ကိုက်ချင်တဲ့အခါ ကိုက်မှာပေါ့ ။

မိုးဇက်(သခွတ္တနယ်)July 10, 2014


------------------------------------------------



ခွေး ( ၂)


ခွေးဟာ သစ္စာ စောင့်သိတဲ့ အိမ်မွေးတိရစ္ဆာန် ပဲ
အိမ်မွေးတိရစ္ဆာန် တွေထဲမှာ သစ္စာ အရှိဆုံးဟာ ခွေးပဲ
ခွေးဟာ ဘယ်လောက်ထိ သစ္စာရှိသလဲဆိုရင်
သူ့သခင်ကို ရန်ရှာနိုင်တဲ့ လူဖြစ်စေ ၊ တခြားသတ္တဝါဖြစ်စေ
ကိုက်ဖို့ ၊ ဟောင်ဖို့ အသင့်ဆိုတဲ့ အနေအထား
အရိုးလေး ကိုက်ရရင်လည်း ဟောင်တာပဲ
အကြောလေး ဝါးရလည်း ဟောင်တာပဲ
ခွေးကိုး
သူ့ သခင် အသားနည်းနည်း စားရဖို့
ဘယ်လို ပုဂ္ဂိုလ်မျိုးမဆို ကိုက်ရ ကိုက်ရ ၊ ခဲရ ခဲရ
ခွေးဆိုတော့
ခွေးလောက် သစ္စာရှိတယ်
သူ့ သခင်ကြီးအပေါ်မှာ...။

မိုးဇက်(သခွတ္တနယ်)
July 10, 2014



-------------------------------------------------------------------------------



ခွေး ( ၃)


ခွေးဟာ ခွေးစိတ်ဝင်ပြီဆိုတော့
ခွေးဟာ အိမ်သားတွေကို မာန်ဖီ ကိုက်ခဲတဲ့အဆင့် ရောက်ပြီဆိုတော့
ခွေးဟာ ခွေးကျင့်ခွေးကြံ ကြံပြီဆိုတော့
ခွေးဟာ ခွေးလောက်တောင် အဆင့်မရှိတော့ဘူး
ဟဲ့ ခွေး!
အမြီးလေး နံ့ပြလိုက်
အဲဒါ
အရိုးကြွေးတဲ့ ပေါက်ဖော်ကြီးကွဲ့ ။

မိုးဇက်(သခွတ္တနယ်)
July 12, 2014

စက္ကူဖာ

သူ့ကို စက္ကူ အပေါစားတွေနဲ့ လုပ်ထားတာ၊ လေးထောင့်ကျကျ
ထပ် စဉ်းစားရပြီ
သူ့ကို ဘယ်မှာ အသုံးပြုဖို့ လုပ်ထားတာလဲ၊ ဘာတွေ ထည့်ဖို့လဲ
ဘယ်သူတွေ က ဘယ်လို စိတ်ကူးနဲ့ တီထွင်ထားတာလဲ
သေချာပေါက် ပြောလို့ရတာက
အဲ့ဒါကြီးက ကျွန်တော် အိပ်တဲ့ ကုတင်အောက်မှာ ရောက်နေတယ် ဆိုတာပဲ
ဘယ်တုန်းက ရောက်လာတာလဲတော့ ကျွန်တော် ဘယ်လိုလုပ်မှတ်မိမှာလဲ
ကျွန်တော် ဒီအိမ်ပြောင်းလာကတည်းက ဒီဟာကြီးကို တပါတည်းသယ်လာခဲ့တာလောက်တော့ မှတ်မိရဲ့ ၊
ဟုတ်တယ် အရင်အိမ်မှာထဲက ဒီဖာကြီး ရှိနေခဲ့တာ
ကျွန်တော်ကိုယ်တိုင် ဒီဖာကြီးကို အသုံးပြုခဲ့တာ
ဖြစ်နိုင်ခြေ (၁ )
ကျွန်တော် အဲဒီအခန်းကို မရောက်ခင်
ကျွန်တော့်အရင်နေထိုင်ခဲ့တဲ့ လူ (များ) ဟာ
အဲဒီဖာကြီးကို အသုံးပြုခဲ့ပေလိမ့်၊ သူ(တို့) အိမ်ပြောင်းသွားတဲ့အခါ အဲ့ဒါ ကြီးကို ထားရစ်ခဲ့ပေလိမ့်
ဖြစ်နိုင်ခြေ (၂ )
အိမ်ပိုင်ရှင်ဟာ အိမ်ငှါးမရှိတဲ့ (လူ မနေတဲ့) ဒီအခန်းထဲကို
သူ အသုံးမလိုတဲ့ အဲဒီ စက္ကူဖာကြီးကို ထည့်ထားခဲ့ပေလိမ့်
ဖြစ်နိုင်ခြေ (၃ )
ကျွန်တော်နဲ့အတူ ပါလာတဲ့
စက္ကူဖာ တစ်ပုံးရင်လည်း ဖြစ်ပေလိမ့်
ဒါမှမဟုတ်
အထက်ပါ ခေါင်းစဉ် ကြောင့် ဒီလောက်ထိ ပေရှည်နေတာဖြစ်လိမ့်မယ်
ဘာပဲဖြစ်ဖြစ်
အဲဒီ စက္ကူဖာအဟောင်းကြီး တစ်ခုဟာ
ကျွန်တော်အိပ်တဲ့ ကုတင်အောက်မှာ ခပ်တည်တည်ကြီး ရှိနေတယ် ဆိုတာပါပဲ
စက္ကူ ဖာတွေနဲ့ပတ်သက်ပြီး ကျွန်တော်သိပ်မသိပါဘူး

်ခန်းလုံးပြည့် စက္ကူ ဖာတွေဖြန့်ခင်းပြီး အဲဒီစက္ကူဖာတွေပေါ်မှာပဲ ထမင်းဝိုင်းဖွဲ့
ပိုကာဝိုင်းဖွဲ့ ၊ အရက်ဘီယာ သောက် စား၊
မူးလာရင် အဲဒီ စက္ကူ ဖာတွေပေါ်မှာပဲ ထိုးအိပ်၊ထိုးအန်
ဧည့်သည်စောင်သည်လာရင်လည်း အဲဒီစက္ကူဖာတွေကိုပဲ အိပ်ယာခင်းလုပ်
အိမ်ရှင်တွေလည်း ဧည့်သည်တွေနဲ့ အတူ လဲ လျောင်း ဆန့် ခွေ
နေရောင်ခြည် ရဲ့ အပူဒဏ်က လွတ်မြောက်ဖို့ ပြတင်းမှန်ချပ်တွေပေါ်
စက္ကူ ဖာတွေကို တိတ်နဲ့ ကပ်၊
အဲ့ဒီလို အတွေးရတဲ့ သူငယ်ချင်းကို သတိရမိသေးတော့
ထားပါလေ
ပြောချင်တာက ကျွန်တော့်အိပ်ယာအောက်မှာ တိတိကျကျ
ကျွန်တော် အိပ်တဲ့ကုတင်အောက်မှာ စက္ကူ ဖာကြီးတစ်လုံးရှိနေတယ် ဆိုတာပဲ
အဲဒီ စက္ကူ ဖာကြီးကို ကျွန်တော်ပိုင်ပြီး ပိုးဟပ်တွေ နေထိုင်ကြတယ်
ပိုးဟပ် ပိုးဟပ် ပိုးဟပ် ပိုးဟပ် ပိုးဟပ် ပိုးဟပ်
ပိုးဟပ်ကို အင်္ဂလိပ်လို ဘယ်လိုခေါ်ပါသလဲခင်ဗျာ
ကဗျာဆရာ မောင်ရဲမင်း ကတော့ (P) (O) (E) (T) ပိုးဟပ်လို့ ပြောတာပဲ
ပိုးဟပ်တွေ ပိုးဟပ်တွေ ပိုးဟပ်တွေ ပိုးဟပ်တွေ ပိုးဟပ်တွေ ပိုးဟပ်တွေ
အဲဒီ စက္ကူ ဖာထဲကို ဝင်လာလိုက် ၊ အဲဒီ စက္ကူ ဖာထဲကနေ ထွက်သွားလိုက်
ပိုးဟပ်တချို့ဟာ ပြည်ပနိုင်ငံမှာ လှုပ်ရှားသွားလာ
ပိုးဟပ်တချို့ဟာ ပြည်ပနိုင်ငံကနေ အမိနိုင်ငံဆီ ပြန်ဝင်ခိုလှုံ
ပိုးဟပ်တွေ။ ငြိမ်းငြိမ်းချမ်းချမ်း။ တရွေ့ရွေ့ ...

မိုးဇက်(သခွတ္တနယ်)
May2014

သာမန်လူတစ်ယောက်ရဲ့ ကိုယ်ရေးကိုယ်တာ

သာမန်လူတစ်ယောက်ရဲ့ ကိုယ်ရေးကိုယ်တာ (၁)


ပျက်သမျှအကြောင်း အကောင်းချည်းပဲ
ပျက်သမျှအကြောင်း အကောင်းချည်းပဲ
ပျက်သမျှအကြောင်း အကောင်းချည်းပဲ

ပျက်နေတာတွေ တစ်ကြောင်းတည်းနဲ့ မလုံလောက်ဘူး

ဒါနဲ့
ဒုတိယကဗျာကို ဆက်ရေးမိတာပေါ့။

မိုးဇက်(သခွတ္တနယ်)
0418PM
20092014

---------------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၂ )


ကြိုးစားပြီး
ဟန်ဆောင်ပြီး ပြုံးရတယ်

ကြိုးစားပြီး
ဟန်ဆောင်ပြီး ပြောရတယ်

ငါရတဲ့ဘဝက အတုကြီးကွာ။

မိုးဇက်(သခွတ္တနယ်)
0425PM
20092014

---------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၃)


ဝဋ်ကြွေးကိုမှ ငါက ချစ်တတ်ခဲ့သလား

ခက်တာပဲ
ဒဏ်ရာရထားတဲ့နေရာက တစ်စက်လေးမှကို မခွာနိုင်တာ

အဝေးက ငါနဲ့ပတ်သက်သမျှသူတို့ရေ
လွမ်းကြဟေ့
ပြီးရင်တော့ မေ့လိုက်ကြ။

မိုးဇက်(သခွတ္တနယ်)
0528PM
20092014

--------------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၄)


အမှန်တရားတစ်ခုက
ဆူးတစ်ချောင်းရဲ့ မျက်နှာပြင်မျိုး
ရှိတဲ့အခါ ရှိလိမ့်မယ်

တစ်ခုမပျောက်ခင်
တစ်ခုထပ်ပေါက်လာတဲ့ အနာ
ဘဝဟာ အရသာ

ငါဟာ လဲကျတယ်၊ ပြန်ထတယ်
ငါဟာ လဲကျတယ်၊ ပြန်ထတယ်
ဝတ္ထုထဲက ဇာတ်ကောင်က အဲ့လိုဆိုတယ်

ငါကိုယ်တိုင်ကျ
လဲကျလည်း ပြန်ထချင်မှ ထတဲ့ကောင်ပါ။

မိုးဇက်(သခွတ္တနယ်)
0912AM
22092014

----------------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၅)


ဘယ်သူ ပစ်လိုက်တဲ့ မြားလဲ
ဘယ်သူ့ကို ပစ်လိုက်တဲ့ မြားလဲ
ဘာကြောင့် ပစ်လိုက်တဲ့ မြားလဲ

ဘယ်သူက ဘယ်သူ့ကို ဘာကြောင့်
ပစ်လိုက်တဲ့ မြားလဲ
ငါ့ ရင်ဘတ်ကို ထိတယ်။
ဘယ်ဆီ ဘယ်ချိန်တည်းကလဲ ငါမသိတယ်။

မိုးဇက်(သခွတ္တနယ်)
0118PM
22092014

-------------------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၆)


ပျင်းလို့ ကိုယ့်ကိုယ်ကို ဆွဲဆန့်ကြည့်တယ်
ပျင်းကြောဟာ ရှည်ထွက်လာတယ်
ရှည်ထွက်လာတဲ့ မုတ်ဆိတ်တချို့ ကို စမ်းမိတယ်
တိုနံ့နံ့ရယ်
အခန်းထဲ စီးကရက်များ ပြန့်ကျဲနေတယ်။

မိုးဇက်(သခွတ္တနယ်)
1137PM
25092014

-----------------------------------



သာမန်လူတစ်ယောက်ရဲ့ ကိုယ်ရေးကိုယ်တာ (၇)


ငါးပါးသီိလကို ခါးဝတ်ပုဆိုးလိုမြဲဖို့
ငါငယ်ငယ်က ငါ့အဖွား ခဏ ခဏ ဆုံးမတယ်။

မမြဲခြင်းတရားထဲမှာ ခါးဝတ်ပုဆိုးလည်းပါတယ်လို့
ငါ့ အဖွားကို ငါ ခဏ ခဏ ပြန်ပက်တယ်။

ငါ့ အဖွားကား သေပြီ။

မမြဲသောလောကမှာ
ဘာကိုမှ ခိုင်မာအောင် တည်ဆောက်နေဖို့ မလိုကြောင်း
ငါ သိပြီ။

သစ္စာတရားကို ခုပဲ သစ္စာဖောက်လိုက်ပြီ။

မိုးဇက်(သခွတ္တနယ်)
1145PM
25092014


----------------------------------------

သာမန်လူတစ်ယောက်ရဲ့ ကိုယ်ရေးကိုယ်တာ (၈)


ဇာတ်လမ်း က ပြတ်ပြီ

အဲ့ဒီက စတာပဲ

စမိတဲ့ အစက ဆွဲသလောက်ရှည်ပြီး ဆက်သလောက်ရတဲ့ သံသရာ မဟုတ်ဘူး
ထားလိုက်ပါ

စမိတာကို ထားရမှာလား
မဟုတ်ဘူး ကို ထားရမှာလား
စဉ်းစားမနေနဲ့
ထားလိုက်ပါ

သူ့နေရာ သူ့အတိုင်းပဲ ထားလိုက်ပါ

ကဗျာက ကဗျာနေရာမှာ
ကဗျာဆရာက ကဗျာဆရာ နေရာမှာ
ဇာတ်လမ်းက ဇာတ်လမ်းထဲမှာ

မိုးဇက်(သခွတ္တနယ်)
1032PM
30092014

------------------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၉)


အပျော်တွေဟာ ပါးလာတယ်
အပျော်ကို အပါးမှာထားပြီး အချိန်မရွေး စားသုံးဖို့ လိုလာတယ်

အပျော်အပါးကို ပျော်ပျော်ကြီး လိုက်စားမှ
အပျော်အပါးကို ရနိုင်မယ့်ကိန်း ဆိုက်လာတယ်
အပျော်ရေ လာပါ
အပါးမှာ နေပါ
မင်းနဲ့ ငါနဲ့
ပျော်ပျော်ပါးပါး ပျော်ရပါးရအောင်
လာပါ။

မိုးဇက်(သခွတ္တနယ်) 
1135PM
30092014

-----------------------------------


သာမန်လူတစ်ယောက်ရဲ့ ကိုယ်ရေးကိုယ်တာ (၁၀)


ငါ့ကဗျာကို
ငါ့ကိုယ်ငါ ပြန်ရွတ်ပြ
နားထောင်
လက်ခုပ်တီး
ကျေနပ်နေရတဲ့
ရာသီဥတုလေးပါ ကွာ။

မိုးဇက်(သခွတ္တနယ်)
1142PM
05102014

အိမ်ကလေးရဲ့အဝေးမှာ ( ၂ )

အဖျားသွေးက နဖူးမှာ ရှိတာလား
မေမေဟာ အိုးမဲပေနေတဲ့လက်နဲ့ ကျွန်တော့်နဖူးကို စမ်းတယ်
ပြီးတော့ မီးဖိုချောင်ထဲ ပြန်ဝင် ၊ ငပိကိုရေနည်းနည်းနဲ့ဖျော်
လက်ခလယ်နဲ့မွှေပြီး တိုက်တယ် ၊ ညီငယ် ၊ ညီမငယ်တွေကို မဆူကြဖို့
ဝေးရာမှာ သွားကစားကြဖို့ပြောတယ်။ မေမေဟာ ထမင်းအိုးတည်ရင်း
ကျွန်တော့်ကို လှမ်းကြည့်နေတယ်။

အဖျားသွေးက လက်ကောက်ဝတ်မှာ ရှိတာလား
မေမေဟာ ကျွန်တော့် လက်ကောက်ဝတ်က သွေးခုန်နှုန်းကို စမ်းတယ်
ထမင်းရည်ပူပူလေးကို မှုတ်ပြီး တစ်ဇွန်းချင်းခပ်တိုက်တယ်။
သားရေကွင်းကို ခြေမနှစ်ချောင်းကြားမှာညှပ်ပြီး
ဂစ်တာတီး ကစားနေတဲ့ ညီငယ်လေးကို လှမ်းခေါ်တယ်။
ရွာအရှေ့ပိုင်းက အဖွားဆီသွားပြီး ဆေးနီမှုန့်ဆိုလား တောင်းခဲ့ဖို့
တလက်စတည်း ဈေးရောင်းတဲ့အိမ်ဘက်လှည့်ပြီး `ရွှေကျီး မုန့်ကြွပ်´ ဆိုလား
အကြွေးဝယ်ခဲ့ဖို့ ၊ မြန်မြန် ပြန်လာခဲ့ဖို့ မှာနေတယ်။
ကျွန်တော် ခေါင်းတွေကိုက်လာတယ်။

အဖျားသွေးက ကျွန်တော့်တစ်ကိုယ်လုံးမှာ ပျံ့နေပြီထင်တယ်။
ကျွန်တော့် တစ်ကိုယ်လုံး ပူခြစ်လာတယ်။ ကိုယ်တွေလက်တွေ ကိုက်ခဲလာတယ်။
မေမေဟာ ဆောက်တည်ရာ မရတော့ဘူး။
စိတ်ကိုငြိမ်အောင်ထားပြီးမှ ကျွန်တော့်ကို ရေပတ်တိုက်ပေးဖို့ သတိရတယ်ထင်တယ်။
ရေနွေးနဲ့ ရေအေးကို စပ်နေတယ်။ ကျွန်တော်က မေ့မေ့လှုပ်ရှားမှုတိုင်းကို လိုက်ကြည့်နေတယ်။

မေ့မေ့လှုပ်ရှားမှုတိုင်းကို ကျွန်တော်ဟာ လိုက်ကြည့်နေခဲ့တယ်။
ကျွန်တော့် မျက်လုံးတွေ ဝါးလာတယ်။ မေ့မေ့ကို ဝါးတားတားမြင်နေရတယ်။
ကျွန်တော့် မျက်ခွံတွေလေးလာလို့ မျက်လုံးတွေကို မှတ်ထားလိုက်တယ်။
မေမေ ကျွန်တော့်အနားရောက်လာတာကို မသိလိုက်ဘူး။ ကျွန်တော် အိပ်နေမှန်းသိလို့
ခြေကို ဖွဖွလေး လျှောက်ဝင်လာတာလည်း ဖြစ်ချင်ဖြစ်မှာပါ။
နဖူးကို နောက်တစ်ကြိမ်စမ်းပြီး ညင်ညင်သာသာ လေး နမ်းလိုက်တာကိုတော့
ခံစားမှုအရ သိလိုက်တယ်။

ကျွန်တော် အိပ်ပျော်သွားတယ်။
ကျွန်တော် နှစ်နှစ်ခြိုက်ခြိုက် အိပ်ပျော်သွားတယ်။
အချိန်ကာလတွေ အကြာကြီးကြာတဲ့အထိ ကျွန်တော် အိပ်ပျော်သွားတယ်။
နိုးလာတော့ မေ့မေ့ကို မတွေ့ရဘူး။ ကျွန်တော့် အိမ်ကလေးကို မတွေ့ရဘူး။
အလုပ်ရုံက ခပ်ကျဉ်းကျဉ်းအခန်းလေးထဲမှာ လှဲနေတဲ့
ကျွန်တော့် ကိုယ် ကျွန်တော် ပဲ တွေ့ရှိရတော့တယ်။


မိုးဇက်(သခွတ္တနယ်)

Novenber 10,2014

အိပ်မပျော်တဲ့ အခိုက်

ကိုယ့်ရည်ရွယ်ချက်က
ကိုယ့်ကို ရည်ရွယ်ချက်ရှိရှိ တုပ်နှောင်ထားတယ် ဆိုရတော့မလိုလို
လမ်းရှိပြီး လမ်းမမှတ်မိတော့တဲ့ ခြေထောက်တွေအကြောင်း
မိသားစု မှာ မိဘကတစ်စု သားကတစ်စု Version အသစ်
ဒဏ်ရာတွေ အသီးသီး ရလာခဲ့ကြပုံကို
ရယ်ရယ်မောမော ဖော့ပစ်ရင်း
တစ်ပွင့်ချင်း
တစ်လွှာချင်း
ဒီပုံပြင်ကို ပြင်ပြီး ပြန်ပုံလိုက်တယ်။ ။

မိုးဇက်(သခွတ္တနယ်)
1st December 2014

(နွေ) (မိုး) (ဆောင်း) ကဗျာ

(နွေ)(မိုး)(ဆောင်း) ဟာ
ဝင်လာပြီဆိုပြီး ပြောသံကြားလိုက်သလိုပဲ
ငါ နားစွင့်တယ်
သစ်ပင်သေးသေးလေးတွေကို ကိုင်လှုပ်ကြည့်တယ်
(နွေ)(မိုး)(ဆောင်း) ရဲ့ သင်္ကေတ
(သစ်ရွက်)(မိုးစက်)(နှင်းမှုန်) လေး

ကျလာမယ်လို့ တရားဝင် စွဲမှတ်ထားတဲ့ အသိတစ်ခုနဲ့ပေါ့
(နွေ)(မိုး)(ဆောင်း) ဟာ ဘယ်မှာလဲ
လမ်းမပေါ်မှာ မတွေ့
မြက်ခင်းပေါ်မှာလဲ မတွေ့ 
အမှတ်ရစရာ (နွေ)(မိုး)(ဆောင်း) ရက်တွေဟာ
အမှတ်ရစရာကောင်းလောက်အောင် ရှိခဲ့တယ် သမိုင်းအဆက်ဆက်။

ဟော အခု
(သစ်ရွက်တွေ တခြောက်ခြောက် ကြွေပြီ)
(မိုးစက်တွေ တဖြောက်ဖြောက် ရွာပြီ)
(နှင်းမှုန်တွေ တပေါက်ပေါက် ကျပြီ)
ဘယ်သမိုင်းအတွက်
ငါ့ လက်သီးလက်မောင်းကို တန်းရမလဲ ...။ ။

မိုးဇက်(သခွတ္တနယ်)
29/11/2014

ဒီအသက် ဒီအရွယ်

ဒီအသက် ဒီအရွယ်ဟာ ဒီအသက် ဒီအရွယ်
ဒီအသက် ဒီအရွယ်ရောက်လာတော့
ဒီအသက် ဒီအရွယ်ထိရောက်လာတာကို အံ့သြရ ၊ဝမ်းသာရ
ဒီအသက် ဒီအရွယ်ကို ကျေးဇူးတင်ရ

ဒီအသက် ဒီအရွယ်မှာ ဒီအသက် ဒီအရွယ်နဲ့ ညီမျှတဲ့ အရှုံးတွေရှိ
ဒီအသက် ဒီအရွယ်မှာ ဒီအသက် ဒီအရွယ်နဲ့ ညီမျှတဲ့ ဒဏ်ချက်တွေရှိ
ဒီအသက် ဒီအရွယ်မှာ ဒီအသက် ဒီအရွယ်နဲ့ ညီမျှတဲ့ မကောင်းမှုတွေလည်း ရှိရဲ့

ဒီအသက် ဒီအရွယ်ဟာ ဒီအသက် ဒီအရွယ်မှာ ဆုံးပါးသွားတဲ့ တချို့ကိုကြည့်ပြီး ထိတ်လန့် သံဝေဂရသလိုလို ဟန်ဆောင်ရ
ဒီအသက် ဒီအရွယ်ဟာ ဟုန်းကနဲ တောက်ပြီး ဟုပ်ကနဲငြိမ်းသွားမယ့် မီးတောက်လို အရှိန်ပြင်းပြင်းလောင်ကျွမ်းရ
ဒီအသက် ဒီအရွယ်ဟာ လူငယ်တစ်ယောက်ရဲ့ ဒီအသက် ဒီအရွယ်

ဒီအသက် ဒီအရွယ် ရောက်နေတဲ့ လူငယ်တစ်ယောက်ဟာ ဒီအသက် ဒီအရွယ်မှာ ဒီလိုတွေးတယ်
ဒီအသက် ဒီအရွယ်မှာ တွေးတဲ့အတွေးဟာ ဒီအသက် ဒီအရွယ်မှာ အဟုတ်တကယ်ဖြစ်လာတယ်
ဒီအသက် ဒီအရွယ်မှာ အိပ်မက်တစ်ခုရှိခဲ့တယ် (မဟုတ်ဘူး)
ဒီအသက် ဒီအရွယ်မှာ အိပ်မက်တွေ အများကြီးရှိခဲ့တယ်
ဒီအသက် ဒီအရွယ်မှာ အိပ်မက်တွေကို အိပ်မက်ထဲထည့်ထည့် ခုန်အုပ်တယ်
ဒီအသက် ဒီအရွယ်ထိ ရောက်လာပြီးမှ ဘာလို့ နောက်ဆုတ်ရမှာလဲ

ဒီအသက် ဒီအရွယ်မှာ မိုက်ရူးရဲစိတ် (မဟုတ်သေးဘူး)
မခံချင်စိတ် (ဒါလည်း မဟုတ်သေးဘူး)
မှန်တယ်ထင်ရင် ပုန်ကန်ပစ်လိုက်မယ့်စိတ် (ဒါ ဟုတ်တယ်) သွေးထဲမှာ စီးနေတယ်
ဒီအသက် ဒီအရွယ်ဟာ သွေးကြွတဲ့ ဒီအသက် ဒီအရွယ်

ဒီအသက် ဒီအရွယ်ဟာ အမှန်ရယ် တရားရယ်ပေါင်းထားတဲ့ ဒီအသက် ဒီအရွယ်
ဒီအသက် ဒီအရွယ်ဟာ မဟုတ် မတရားတာလုပ်ရင် ပုန်ကန်ပစ်မယ့် ဒီအသက် ဒီအရွယ်
ဒီအသက် ဒီအရွယ် ဟာလူငယ်တစ်ယောက်ရဲ့ မာန်မာနကို အစွမ်းကုန် တောက်လောင် ဖွံ့ထွားစေတဲ့ ဒီအသက် ဒီအရွယ်


မိုးဇက်(သခွတ္တနယ်)
Edited By December 4, 2014

ဒီဇင်ဘာ Album

• 1/12

မင်္ဂလာပါ
ဒါဟာ ၃၁ ဘုံကို စတင်ဝင်ရောက်ဖို့အတွက်
တံခါးတစ်ချပ်ဖြစ်ပါတယ်။

မင်္ဂလာပါ
မင်္ဂလာတရားတော်နဲ့ အညီ
လက်ကမ်း ကြိုဆိုလိုက်တာ ဖြစ်ပါတယ်။

မင်္ဂလာပါ။

အားလုံး မင်္ဂလာပါ။  ။

• 2/12

ဆောင်းရာသီလို့ ပြောတော့
ငါ့ စိတ်ထဲ ဂျုံခင်းကြီးပြေးမြင်ရင်း
တစ်ရွာလုံးကို မြူတွေ ဆိုင်းပစ်လိုက်တယ်။

နွေးနွေးထွေးထွေး နေပါ
အင်္ကျီထူထူ ဝတ်ပါ
ရေကို အပူအအေး စပ်ပြီးမှ ချိုးပါ

ပြာသိုလ်လမှာ နေထိုင်တဲ့မေမေက
နှင်းခေါင်ရပ်ဝန်းဒေသက သားဆီကို စိတ်နဲ့လှမ်းပူလို့။  ။

• 3/12

အလွမ်းဆေးသားများ
ဆွေးဆွေးရီရီ ရှူရှိုက်မိသော နိမိတ်ပုံများ
လာပြီး လက်တို့ကြ။

ဖွဲ့ဆိုဖို့ အတွက်
နောက်ခံတောင်တန်းကြီးတွေလည်း
ရှိမနေဘူး။

ဖွဲ့ဆိုဖို့ အတွက်
နောက်ခံတောင်တန်းကြီးတွေ ရှိပြန်တော့
ဖွဲ့စရာ နှင်းက မရှိဘူး။

• 4/12

ဆောင်းဟာ
အလည်ရောက်လာရင် ကောင်းမှာပဲ
ခဏဖြစ်ဖြစ်။

ဆောင်းသာ အလည်ရောက်လာရင်
နားညည်းအောင် အော်နေတဲ့ ပန်ကာတွေလည်း
ပါးစပ်ပိတ်သွားမယ်။

လူးလွန့်
အိပ်မပျော်
ပူအိုက် ဆွေးညတွေလည်း
ကောင်းမွန်စွာ ဖြတ်သန်းနိုင်မယ်။

ကာလသုံးပါးစလုံး
ဆောင်းဟာ ရောက်မလာနိုင်မှန်း သိရက်နဲ့
မျှော်နေမိရဲ့။  ။

• 5/12

ကလေးငိုသံနဲ့ မျက်နှာသစ်လိုက်တယ်။
အုန်းမောင်းခေါက်သံနဲ့ ဆွမ်း ထချက်လိုက်တယ်။
လင်းကြက်တွန်သံနဲ့ လယ်တောဆင်းလိုက်တယ်။
ပဲပြုတ်အော်သံနဲ့
နံနက်ချိန်ခါ မင်္ဂလာတေးကို စဆိုလိုက်တယ်။

မီးဖိုကလေး ဘေး
မီးဖိုကလေးရဲ့ ဘေး
ကောက်ညှင်းပေါင်း ၊ ထန်းလျက်တစ်ဖဲ့
လ္ဘက်ရည်ကြမ်းနဲ့ ဝိုင်းဖွဲ့ ။

ပျော်စရာပါ ...
အညာမှာ ...
ခုချိန်ခါ ...။   ။

• 6/12

အထက်ပါ ရက်စွဲအတိုင်း
ခြောက်ကပ်နေတာပဲ ။

မြင်ကွင်းတွေကို စိမ်းလန်းစေချင်တယ်
စိမ်းလန်းစေချင်တဲ့ စိတ်နဲ့
T Shirt ကို အစိမ်းရောင်မှ ရွေးပြီး ဝတ်လာတယ်
ကိုယ်က စ,စိမ်းမှ
သူတို့က ပြန်စိမ်းမယ် မဟုတ်လား

ရထားစိမ်းကြီး ဆိုက်လာတယ်။
လူစိမ်းတွေ လိုက်ပါလာတယ်။
ကမ္ဘာကြီး ဟာ အစိမ်းရောင်
နှင်းတွေဟာလည်း အစိမ်းရောင်
(အဲလိုပဲ ဖြစ်လိမ့်မယ် ထင်တယ်
ထင်မိတယ်)။   ။

• 7/12

စူပါဆန်းဒေး။

မြို့ထဲမှာ
မြို့နဲ့ပတ်သက်တာတွေကို စိုးရိမ်တကြီး
စိုးရိမ်မိတဲ့အကြောင်းက စတင်ပြီး
အစပြုပြီး
အစတွေဟာ ဆွဲမထုတ်ရပဲ ထွက်လာကြတဲ့ အစတွေလို။

Tiger Beer ၊၊ စာအုပ်မိတ်ဆက် ၊၊ စိုင်းဆိုင်မောဝ် ၊၊
တွေ့ဆုံရန်ခက်ခဲသော လူငယ်ကဗျာဆရာတစ်ယောက်အကြောင်း၊၊
မိုးပျံရထား ၊၊ ငါးကင် ၊၊ အဝေးရောက်ဒဏ်ရာများ ခင်းကျင်းတင်ဆက်ပြသ၊၊
ညဈေးတန်း ၊၊ ဆယ်လ်မွန်ငါးတို့အပြန် (သံပြိုင်)။  ။

• 8/12

ရှုံးတဲ့ ဘက်က
လောင်းကြေးအကြိမ်ကြိမ် ထပ်မိတဲ့
ဆွံ့အ ဗုံ တစ်လုံးပါပဲ။

ဒီတစ်နှစ်လည်း
ပြီးခဲ့တဲ့ နှစ်က အသံထွက်အတိုင်း
"........ " ။  ။

• 9/12

ငါဟာ တစ်ယောက်ထဲရယ်
ငါ့မှာ အဖော်အပေါင်း မရှိဘူးလို့ ပြောနေတာ မဟုတ်ဘူး
ငါဟာ တစ်ယောက်တည်း ဖြစ်နေတယ်
ငါဟာ တစ်ယောက်တည်း။ ဖြစ်ပါတယ်။

• 10/12

ချမ်းနေတဲ့ ဆောင်းဥတုကြီးကို တွေ့ချင်မြင်ချင် စမ်းပါဘိ။
လက်ဝဲသုန္ဒရ အမတ်ကြီးလို နှင်းတွေနဲ့ လောင်ကျွမ်းနေချင်စမ်းပါဘိ။
သင်းကွဲစိတ်ဟာ ငှက်လိုလေချွန်သွား။
တရွှီရွှီ။

• 11/12

ဖုန်းထဲက လွှင့်ထုတ်လိုက်တဲ့ အသံဟာ
တိမ်ကြားကို ဖြတ်သွားတယ် ထင်တယ်
..ဂျစ် ဂျစ် ဂျစ် ဂျစ်

ဖုန်းထဲကို တိုးဝင်လာတဲ့အသံဟာ
နှင်းတောကို ဖြတ်နင်းလာတယ် ထင်တယ်
..ဂျစ် ဂျစ် ဂျစ် ဂျစ်

ကျွန်တော် ထွားခဲ့မိသမျှ လေလုံးတွေပါ
ကျွန်တော် ကိုယ်တိုင် ခက်ဆစ်မဖွင့်နိုင်တဲ့ ဘာသာစကားတစ်ခုပါ
.. ဂျစ် ဂျစ် ဂျစ်
ဂျစ် ဂျစ် ဂျစ် ..

• 12/12

အမှားအယွင်းတွေဟာ
ကောင်းစွာ အလုပ်လုပ်ကြတယ်
ဒါကြောင့်
ကောင်းစွာ မှားယွင်းတယ်။

ဘယ့်နှယ်
အမှားအယွင်းလည်း ဆိုချေသေး
ကောင်းစွာ။   ။

• 13/12

ဖန်သားပြင်ပေါ်မှာ
နှင်းတွေ ပိတ်ပိတ်သည်းအောင် ကျနေတာကို ကြည့်ပြီး
အလွမ်းကို ဖြေရတာပေါ့။

အဝေးရောက်သားဆိုတော့
အဝေးက လွင့်လာတဲ့ နှင်းမှုန် နှင်းရနံ့တွေကိုပဲ
ရှူရှိုက်ရတာပေါ့။

ဒီထက်
ဒီ့ထက်မကတဲ့
ဒုက္ခတရားတွေကိုတော့
မရှိတဲ့ နှင်းတွေနဲ့ပဲ ဖုံးကွယ်ထားလိုက်တယ်။  ။

• 14/12

ဆောင်းဥတုကို ခိုဝင်ဖို့
ငါ့ မိတ်ဆွေက အထုပ်အပိုးကို ပြင်ဆင်
ငါ့မိတ်ဆွေ ပြင်ဆင်တဲ့ အထုပ်အပိုးတွေထဲကို
ငါက ငါ့မိတ်ဆွေ မသိအောင် ပုန်းအောင်းခိုဝင်
ဆောင်းဥတုကို ခိုလှုံဖို့။  ။

• 15/12

December ကို
Google Search မှာ ရိုက်ရှာပြီး
Download ဆွဲလိုက်ရင်
နှင်းကို တွေ့ရမှာလား...

အခန်းရဲ့ အပူချိန်ကို 16°C အထိ
လျှော့ချထားလိုက်ပါတယ်။  ။

• 16/12

သိပ်မကြာသေးခင်ကပဲ
ငါ ပွဲခင်းထဲ ရောက်သွားတယ်
ပြီးတော့
အကြော်တန်း
ပြီးတော့
မဟာလောကမာရဇိန် ဘုရားကြီး။

စည်ကားရှုပ်ထွေးနေတဲ့ လူအုပ်ကြီးကိုရော
မြင်လား
ငါတော့ ခပ်ဝါးဝါးပဲ
ကြာပြီဆိုတော့...

• 17/12

တလောကလုံးမှာ နှင်းတွေ ဖွေးဖွေးလှုပ်။
နှင်းတွေ ဖွေးဖွေးမလှုပ်တာဆိုလို့
တလောကလုံးမှာ ငါ့လက်တစ်ကမ်းပဲရှိမယ်။
နေရာကွက်ကြား နှင်းတွေ ဖွေးဖွေးလှုပ်။  ။

• 18/12

မြူတွေ ဆိုင်းနေလို့
ရေးချလိုက်တဲ့ စကားလုံးတွေဟာ ဖုံးဖုံးသွား
မြူတွေ ဆို်င်းနေလို့
ရေးပြီးသား စကားလုံးတွေချည်း ထပ်ထပ်ပြီး ရေးမိ
မြူတွေ ဆိုင်းနေလို့
ကိုယ့်ဇာတိ ရပ်ရွာကိုတောင်
စိတ်ကူးနဲ့ ရုပ်လုံးဖော်ပြီး ရှာနေရ
မြူတွေ ဆိုင်းနေလို့
မြူတွေ ဆိုင်းမနေလည်း
မြူတွေ ဆိုင်းနေတယ်လို့ပဲ အော်ပြောမယ်
မြူတွေ ဆိုင်းနေလို့။  ။

• 19/12

သရုပ်ဆောင်နေတဲ့ပုံက
ဒီဇင်ဘာမှ ဒီဇင်ဘာ အစစ်။

တစ်ခုပဲ
နှင်းပွင့်လေးကို
ခေါင်းမှာ ပန်ဆင်မထားတာ
တစ်ခုပဲ။  ။

• 20/12

မက်နေကျ ရှုခင်းအဟောင်းကြီးကို
အရှိုက်ထဲ ထည့်ထည့်ရှိုက်နေရ
ဒါ ၊ ငါ့အတွက် ဆောင်းပါပဲ။ ။

• 21/12

တစ်ကမ္ဘာလုံး လောက်ငှအောင်
နှင်းတွေ ဝေမပေးနိုင်လို့ နေမှာ

တကယ့်ကိုပဲ မယုံနိုင်စရာ
မိုးတွေဟာ တခြိမ်းခြိမ်း တဝုန်းဝုန်းပြိုကျလာ
ဒီ ဇင် ဘာ။

နှင်းအစား
မိုးကို ငါ့ဆီ လွှတ်လိုက်တာ။ ။

• 22/12

ငါ့ပူလောင်မှုဆီ
မုံရွာ ရဲ့ အပူလှိုင်းကြီးက ဆောင့်ဝင်လာတယ်

ဆောင်းဝင်လာတာ မဟုတ်ဘူး
သတ်ပုံကို သေချာကြည့်ပါလား

သတ်ပုံ ၊
ကျည်တောင့်ဟာ
ဦးခေါင်းကို တည့်တည့်ဖောက်ဝင်သွားတယ် တဲ့

ခဲနေတဲ့သွေးဟာ
ငါ့ သည်းခံနိုင်မှုတံတိုင်းကို ဖောက်ပြီး
တစ်ကိုယ်လုံး စီးဆင်းပျော်ကျကုန်ပြီ

ရေခဲတောင်ပေါ်က ဆီးနှင်းတွေလို
တဝုန်းဝုန်း အသံပေးပြီး ပျော်ကျလာပြီ

မိတ်ဆွေ ...
သွေးပူလေ့ကျင့်ခန်း စကြစို့။  ။

• 23/12

ငါ ၊ အုံ့ မှိုင်း ဝေ
ငါ ၊ စိတ်ရော ကိုယ်ရော ထုံ ထိုင်း ခွေ
ငါ့ ဒေသမှာ ဝေတဲ့နှင်း ရဲရဲနီနေ။
ကမ္ဘာမကြေ။  ။

• 24/12

ငါ ခိုလှုံခဲ့ရတဲ့ ဆောင်းဟာ ခိုက်ခိုက်တုန်လှပ
ငါ ခိုလှုံနေရတဲ့ ဆောင်းဟာ တံလျှပ်ခိုးမှုန်မြူးကြွ

• 25/12

နှင်းကိုရော တွေ့ဖူးပါစ
နှင်းစစ်စစ်ကိုရော မြင်ဖူးပါစ
ဒါနဲ့များ ဆောင်းကို ဖွဲ့ချင်သေးသတဲ့။

ဆောင်းကိုရော ကြုံဖူးပါစ
ဆောင်းစစ်စစ်ကိုရော ခိုလှုံဖူးပါစ
ဒါနဲ့များ ဒီဇင်ဘာကို ခင်းကျင်းပြသချင်သေးသတဲ့။

ဒီဇင်ဘာကိုရော ရောက်ဖူးပါစ
ဒီဇင်ဘာစစ်စစ်ကိုရော ခံစားဖူးပါစ
Merry Christmas ပါ နှင်း။  ။

• 26/12

ဘယ် Channel မှ ဖမ်းလို့ မမိဘူး
ဒါ ကမ္ဘာဂြိုဟ်ရော ဟုတ်ရဲ့လား

ငါ့ကို ဆက်သွယ်ကြပါ
ငါ အားလုံး နဲ့ အဆက်အသွယ်ရချင်တယ်

မေမေ ..
ကြားလား ... ဟယ်လို

• 27/12

ငါ့မှာ
စုဆောင်းထားတာဆိုလို့ အိမ်ပြန်ချိန်တွေပဲ ရှိတယ်။
အိမ်ပြန်ချိန်တွေရမယ်
အိမ်ပြန်ချိန်တွေရမယ်
အိမ်ပြန်ချိန်တွေကို ဘယ်တော့မှ မရောင်းဘူး။
ဘယ်သူ့မှ ..

• 28/12

ငါဟာ ဘုံမှားပြီးရောက်လာတဲ့ နတ်သားပဲ ဖြစ်ရမယ်
သေချာတယ် ၊ သေချာပါတယ်
ငါဟာ နတ်သားတစ်ပါး ၊ ဘုံမှားပြီး ရောက်လာခဲ့တာ

စိတ် လေတံခွန်လေး လေထဲ လွှတ်တင်ထားမိ
လွတ်ရာ ကျွတ်ရာထိရောက်အောင် စိတ်တွေလွှတ်တင်ထားမိ။    ။

• 29/12

တနင်္လာ အဟောင်းကြီးကို
အသစ်လိုမျိုး ကောက်ဝတ်ပြီး
လေကလေးချွန်ပြီး သာယာနေလိုက်တယ်။

အခြေရှိတယ် ၊ အနေရှိတယ်
အလုပ်နဲ့ အကိုင်နဲ့
ငွေနဲ့ စက္ကူ နဲ့
ဂုဏ်နဲ့ ဒြပ်နဲ့

ချစ်ခြင်းမေတ္တာအကြောင်းကိုတော့
ဆက်သွယ်မှုဧရိယာထဲရောက်မှ ပြောကြတာပေါ့။  ။

• 30/12

ငါ စောင့်ကြည့်နေခဲ့တာ အကြာကြီး
ဘယ်က စပြောရမလဲလို့ စီနေတာလည်း အကြာကြီး
ပြောမယ်ဆို
ပြောရမှာတွေကလည်း အကြာကြီး ပြောမှ ဖြစ်မှာ

ဒီဇင်ဘာအတုအစစ် ခွဲခြားနည်းကို စပြောရမလား
ဆောင်း ဆိုပြီး ကြဲကြဲတောက်အပူချိန်ကို တိုင်းပြရမလား
နှင်းဟာ ဘာသာစကားတစ်ခုပဲဖြစ်ပြီး
ကြန်အင်လက္ခဏာမရှိကြောင်း ဖော်ကောင်လုပ်လိုက်ရမလား
ပြောချင်၊ ပြချင်တာတွေက အများကြီး။
တကယ့်ကို အများကြီး။  ။

• 31/12

အခင်းအကျင်းအရ
အားလုံးကို ကျေးဇူးတင်စကား ပြောလိုက်ဖို့ပဲ

အားလုံးကို ကျေးဇူးတင်ပါတယ်

ဒီတစ်နှစ်လုံး
အာဏာရှင်စိတ် မဝင်ခဲ့တဲ့အတွက်လည်း
ကြံဖန်ကျေးဇူးတင်ရပါတယ်။

Happy New Year ပါ ကမ္ဘာ။  ။


မိုးဇက်(သခွတ္တနယ်)

December, 2014